नेपाली दुतावास युएईको पहलमा नेपाली चेलीको उद्दार

Valyou 2
Valyou 2
Valyou 2
Valyou 2

युएई । नेपाली दुतावास युएईको बिशेष पहलमा युएईको अलऐनबाट एक नेपाली चेलीसहित अन्य मुलुकका गरि ८ महिलाको उद्दार गरिएको छ ।

८ महिनादेखि युएईको अलऐनस्थित अलिहार हाउसमेड कम्पनीमा बन्धक बनाएर राखिएकी हरिवन–५ सर्लाहीकी अस्मिता (बजु) तामाङलाई गए राती स्थानीय प्रहरीको सहायताबाट उद्दार गरिएको हो । उनीसँगै अन्य मुलुक भारत, श्रीलङ्का र इन्डोनेसियाका ७ महिलाको पनि उद्दार गरिएको छ ।

१० महिना पहिले आफ्नै नातेदार तिर्थ तामाङमार्फत भिजिट भिषामा भारत हुँदै युएई आएकी २० वर्षीया तामाङ युएईका नेपाली दलाल (एजेण्ड) जोन तामाङले घरेलु कामदारको लागी ओमन पुर्याएका थिए ।

कामको शिलशिलामा उनको दाइने हातमा चोट लागेर काम गर्न नसक्ने भएपछि उनलाई युएईको अलऐनस्थित अलिहार हाउसमेड कम्पनीमा ८ महिना देखि बन्धक बनाएर राखेको थियो ।

‘काम गर्न नसक्ने भए, मलाई उपचार गरेर घर पठाईदिनु भन्दा,’ घरको तेस्रो तलामा थुनेर राखिएको अस्मिताले रातोपाटीलाई बताइन् ।

उनले रूँदै भनिन्, ‘२४ घन्टामा १ छाक खाना त्यसमा पनि रोटी (खबुस) दिने, पेटभरी खान कहिल्यै नपाएको कथा सुनाइन् ।’

पछिल्लो समयदेखि झन् कोठामा बिजुलीबत्ती, पानी नभएकोले १७ दिनदेखि राम्ररी मुख धुन समेत नपाएको उनले बताइन् ।

उद्दारलगतै नेपाली दुतावास युएईको रोहबरमा उनलाई अलऐन अस्पताल लगिएको थियो । समान्य उपचार पश्चात उनलाई नेपाली दुतावासको महिला सेल्टरमा राखिएको छ ।

Valyou 2
Valyou 2
Valyou 2
Valyou 2

कुनै टिप्पणी