साउदीमा श्रमिक समस्या तथा सचेतना बिषयक अन्तरक्रिया कार्यक्रम सम्पन्न

Valyou 2
Valyou 2
Valyou 2
Valyou 2

तेज थापा

साउदी अरेबिया । गैर आवसीय नेपाली संघ साउदी अरबको आयोजनामा हिजो २५ जनवरीका दिन बृहत अन्तरक्रिया कार्यक्रम सम्पन्न भएको छ।

सुरक्षित र मर्यादित वैदेशिक रोजगार हाम्रो सरोकार, भन्ने मुल मर्मलाई मध्यनजर गरि संघले नेपाली श्रमिकहरुको समस्या, न्यूनीकरण, समाधान, निराकरण र सचेतता विषयक छलफल तथा अन्तरक्रिया कार्यक्रम गरेको हो।

संघका अध्यक्ष नारायण पासवानको सभापतित्व तथा नेपाली राजदुतावास रियाद साउदी अरेवियाका महामहिम राजदुत प्रा डा. महेन्द्र सिंह राजपूतको प्रमुख अतिथ्या रहेको कार्यक्रमलाई महासचिव तेज थापाले संचालन गरेका थिए भने प्रवक्ता उमेश भट्टराईले स्वागत मन्तव्य राखेका थिए।

साउदी अरबको पुर्वी प्रान्त दम्माम स्थित होलिडे हलमा सम्पन्न कार्यक्रममा नेपाली राजदुतावास रियादका श्रम सहचारी, एनआरएनएका विभिन्न समितिहरुमा आवद्ध पदाधिकारी, नेपाली जनसम्पर्क समिति साउदि अरब, अन्तर्राष्ट्रिय साहित्य समाज –साउदी च्याप्टर, मगर संघ प्रवास शाखा साउदि अरब, कि.रा.या.यो. साउदी अरब, मिथिला एकता समाज साउदि अरब, समान मधेस साउदी अरब, मिथिला संस्कृति समूह साउदी अरब, डिसी नेपाल, एनए मिडिया, स्याङ्जा सहयोग साउदी अरब लगायतका विभिन्न संघ संस्थाका प्रतिनिधि, पत्रकार तथा नेपाली जनसमुदायको बाक्लो उपस्थिति रहेको थियोे।

दुई चरणमा विभाजित कार्यक्रमको पहिलो खण्ड औपचारिक उद्घाटनबाट सुरु गरिएको थियोे भने दोस्रो खण्ड नेपाली श्रमिकहरुको समस्या, न्यूनीकरण, समाधान, निराकरण र सचेतता विषयमा बृहत अन्तरक्रिया चलाइएको थियोे।

कार्यक्रम विभिन्न संघ संस्थाका प्रतिनिधिहरुले नेपाली श्रमिकहरुको विषयमा आ आफ्नो संस्थागत धारणा प्रकट गरेका थिए भने पिडत नेपाली कामदारहरुले आफ्नो समस्या र पिडा सुनाएका थिए। त्यसैगरी कार्यक्रममा उपस्थित हुन नसकेका पिडित नेपाली कामदारहरुको समस्या अडियो क्लिपबाट सुनाईएको थियोे।

अन्तरक्रिया कार्यक्रमको अन्त्यमा नेपाली कामदारहरुको सामुहिक समस्या, रोकथाम, उपचार र निराकरण, कामदारहरुको हकहित र ऐनकानुन, पालना गर्नुपर्ने सम्बन्धित देशको नियमकानुन, कामदारहरुले अपनाउनु पर्ने सचेतना, नेपाली राजदुतावास रियादको पहल लगायत समस्टिगत निचोड सहित एनआरएनए साउदी अरबका अध्यक्ष नारायण पासवान, आइसिसि सदस्य तथा वैदेशिक रोजगार तथा आप्रवासी कामदार कल्याण समितका भुतपुर्व संयोजक धरम केसी, मध्यपुर्व महिला उपसंयोजक यास्मिन बेगम सैयद, नेपाली राजदुतावास रियाद साउदी अरबका श्रम सहचारी अम्बिका प्रसाद अधिकारी, महामहिम राजदूत प्रा. डा. महेन्द्र सिंह राजपूतले आ आफ्नो मन्तव्य सहित सम्बोधन गरेका थिए।

कार्यक्रमलाई डिसी नेपाल लगाएतका अनलाईन मिडियाले प्रत्यक्ष प्रसारण गरेका थिए।

Valyou 2
Valyou 2
Valyou 2
Valyou 2

कुनै टिप्पणी